काठमाडौँ, असोज १८ गते । पूर्वी अफगानिस्तानको नान्गाहार प्रान्तमा शुक्रबार भएको सडक दुर्घटनामा दुई जनाको मृत्यु भएको छ भने १३ जना घाइते भएका छन् । प्रान्तीय प्रहरीका प्रवक्ताका अनुसार दुर्घटना नान्गाहारको बाटिकोट जिल्लामा भएको हो । 

दुर्घटनामा दुई जनाको घटनास्थलमै मृत्यु भएको र १३ जना घाइते भएका छन् । घाइते मध्ये केहीको अवस्था गम्भीर रहेको जनाइएको छ । प्रारम्भिक अनुसन्धान अनुसार चालकको लापरबाहीका कारण दुर्घटना भएको प्रहरीको भनाइ छ । व्यस्त सडकमा हुने यस्ता दुर्घटना न्यूनीकरण गर्न चालकलाई ट्राफिक नियम र कानुनको पूर्ण पालना गर्न पनि प्रहरीले आग्रह गरेको छ । रासस/सिन्ह्वा