तेल अभिभ । अमेरिकी राष्ट्रपति डोनाल्ड ट्रम्पलाई इजरायलको सर्वोच्च नागरिक सम्मान ‘इजरायल शान्ति पुरस्कार’बाट सम्मानित गरिने भएको छ । इजरायली प्रधानमन्त्री बेन्जामिन नेतान्याहूले सोमबार फ्लोरिडामा राष्ट्रपति ट्रम्पसँग भेट गरेपछि संयुक्त पत्रकार सम्मेलनमा यो घोषणा गरेका हुन् ।
इजरायली सरकारले ट्रम्पलाई इजरायल शान्ति पुरस्कारबाट सम्मानित गर्ने निर्णय गरेको उनले बताए । ८० वर्षमा यो पुरस्कार अहिलेसम्म कुन पनि गैर–इजरायली नागरिकलाई दिइएको थिए ।
नेतन्याहुको घोषणामा ट्रम्पले खुसी व्यक्त गरेका छन् । यो सम्मान आफ्नो लागि अप्रत्याशित भएको उनको भनाइ थियो । ‘राष्ट्रपति ट्रम्पले मानिसहरूलाई चकित पार्न धेरै परम्परा तोडेका छन्, त्यसैले हामीले एउटा परम्परा तोडेर नयाँ बनाउने निर्णय गरेका छौँ ।’ पत्रकार सम्मेलनको क्रममा इजरायली प्रधानमन्त्रीले भने ।
यो पुरस्कार इजरायली र यहूदी जनताको कल्याणमा राष्ट्रपति ट्रम्पको योगदानको लागि प्रदान गरिने पनि उनले बताए । ‘आतंकवाद विरुद्धको हाम्रो साझा लडाईमा तपाईंको समर्थनको लागि हामी इजरायली जनताको लागि गरेको कामको लागि आभारी छौँ’ नेतन्याहुले भने ।
इजरायल पुरस्कार इजरायलको सर्वोच्च नागरिक सम्मान हो । यो परम्परागत रूपमा विज्ञान, कला र मानविकी जस्ता क्षेत्रमा उत्कृष्ट काम गरेकोमा इजरायली नागरिकहरूलाई दिइन्छ । शान्तिको श्रेणीमा यो पुरस्कार पहिले कहिल्यै दिइएको थिएन । जुलाई २०२५ मा इजरायलले विदेशी नागरिकलाई पुरस्कार दिन अनुमति दिन पुरस्कार नियमहरू संशोधन गरिएको थियो । यसपछि ट्रम्पलाई छनोट गर्ने बाटो खोल्यो। ट्रम्प पुरस्कार प्राप्त गर्न इजरायलको स्वतन्त्रता दिवस समारोहमा उपस्थित हुन सक्छन् ।
