काठमाडौँ, असोज ११ गते । परराष्ट्रमन्त्री शिशिर खनाल र संयुक्त राष्ट्रसंघका मानव अधिकार उच्चायुक्त भोल्कर तुर्कबिच भेटवार्ता भएको छ ।
संयुक्त राष्ट्रसंघको ८१औं महासभाका अवसरमा न्यूयोर्कस्थित संयुक्त राष्ट्रसंघ मुख्यालयमा भएको साइडलाइन भेटवार्तामा नेपाल-संयुक्त राष्ट्रसंघ सहकार्य तथा मानव अधिकारसँग सम्बन्धित विविध विषयमा छलफल भएको हो ।
भेटवार्ताका क्रममा दुवै पक्षले नेपालको राष्ट्रिय स्वामित्व र नेतृत्वमा अघि बढिरहेको शान्ति प्रक्रियासँग सम्बन्धित विषय, विकास र मानव अधिकारबिचको अन्तरसम्बन्ध तथा बढ्दो जलवायु परिवर्तनका विनाशकारी प्रभावबारे विचार आदानप्रदान गर्नुभयो ।
साथै, नेपालमा भएको भोटेकोशी विपद्पछिको जारी पुनःस्थापना तथा पुनर्निर्माण प्रयासका विषयमा समेत छलफल भएको थियो ।
