काठमाडौँ, जेठ २५ गते । सिङ्गापुरमा जारी एसियन गेम्म पुरुष छनोट प्रतियोगिातको फाइनलमा हङकङले नेपाललाई जितको लागि एक सय ८९ रनको प्रतिस्पर्धात्मक लक्ष्य दिएको छ ।
सिङ्गा ओभल मैदानमा टस हारेर पहिले ब्याटिङको निम्तो पाएको हङकङले निर्धारित २० ओभरमा सात विकेटको क्षतिमा एक सय ८८ रन बनायो ।
हङकङका लागि अशुंमन रथले सर्वाधिक ८० रन बनाउनुभयो । उहाँले ४५ बलमा ६ चौका र ६ छक्काको सहयोगमा उक्त रन बनाउनुभएको हो । यस्तै सहिद वासिफले ५५ र शिव माथुरले २६ रन बनाउनुभयो ।
बलिङमा नेपालका शेर मल्लले चार विकेट लिनुभयो । करण केसीले दुई तथा सन्दीप लामिछानेले एक विकट लिनुभयो ।
