एस ए टि भी, काठमाडौँ । ९ औँ नेपाल अन्तर्राष्ट्रिय चलचित्र महोत्सवको “सिचाङ प्यानोरामा २०२६” को दोस्रो संस्करण सकिएको छ । यस पटकको “सिचाङ प्यानोरामा २०२६” मा चीनकोे सिचाङ केन्द्रित ६ वटा फिचर फिल्म, डकुमेन्ट्री, एनिमेसन, छोटो डकुमेन्ट्री तथा सर्ट भिडियोका समावेश रहेको थियो । यस पटकको “सिचाङ प्यानोरामा २०२६” मा पर्यावरण संरक्षण, जनजीविका, शैक्षिक समानता, सांस्कृतिक संरक्षण, युवा विकास र हरित विकास जस्ता विषयहरूमा सिचाङको बहुआयामिक झलक प्रस्तुत गरिएको चलचित्रहरुको प्रर्दशनी गरिएको थियो ।
यस स्नो लेपर्ड, होम अवे होम क्लोज, लर्नर्स फ्रम द टप अफ द वल्र्ड, सनराइज ओभर द प्ल्याटु, वारियर किङ र डिस्कभरिङ सिचाङ २०२६ प्रर्दशन गरिएको थियो ।
यस पटक देखाइएको चलचित्रहरुमा स्नो लेपर्डले हिमाली क्षेत्रमा पर्यावरण संरक्षण तथा मानव र प्रकृतिबीचको सहअस्तित्वलाई झल्काएको थियो ।
यस्तै, होम अवे होम क्लोजले हङकङका एक युवाको सिचाङ यात्रा र सार्वजनिक हितको यात्रामार्फत सांस्कृतिक संरक्षण, अन्तरजातीय संवाद तथा चिनियाँ राष्ट्रको सामुदायिक भावनालाई प्रस्तुत गरेको थियो ।
लर्नर्स फ्रम द टप अफ द वल्र्ड हिमाली क्षेत्रमा आवासीय शिक्षा तथा शैक्षिक समानतामा केन्द्रित रहेको थियो ।
सनराइज ओभर द प्ल्याटुले नयाँ युगमा सिचाङको जनजीविका र सामाजिक विकासका प्रगतिहरू देखाएको थियो ।
यस्तै प्रर्दशित वारियर किङ ले एनिमेसनमार्फत महाकाव्यीय संस्कृति र परम्परागत स्मृतिलाई देखाएको थियो ।
यस्तै, डिस्कभरिङ सिचाङ २०२६ मा ६ देशका ९ जना अन्तर्राष्ट्रिय युवाको दृष्टिकोणबाट हरित प्रविधि र युवा ऊर्जा मार्फत निर्माण भएको खुला, जीवन्त र आधुनिक सिचाङलाई प्रस्तुत गरेको थियो । जसमा नेपाली कलाकार बुद्धि तामाङ, पवित्रा साकी, सान्केन लामा र पत्रकार अनिल यादवको सिचाङ भ्रमणलाई पनि समेटिएको थियो ।
चलचित्र प्रदर्शनका अतिरिक्त, “सिचाङ प्यानोरामा” प्रतिनिधिमण्डलले मिडिया अन्तर्वार्ता, निर्णायक मण्डलसँग अन्तरक्रिया, फिल्ममेकर सलोनमा पनि सहभागिता जनाएको थियो । यस्तै प्रतिनिधिमण्डलले त्रिभुवन विश्वविद्यालय, काडमाडौँ विश्वविद्यालय लगायत कलेजहरुमा पनि अन्र्तक्रिया र प्रर्दशनी गरिएको थियो । यी गतिविधिहरूले दृश्य माध्यममार्फत हुने आदान–प्रदानलाई अझ गहिरो र व्यापक बनाउने अपेक्षा प्रतिनिधिमण्डलले अपेक्षा गरेको छ । चलचित्रको प्रर्दशनी, सृजनात्मक संवाद, क्याम्पस सहभागिता र अन्तरसांस्कृति छलफलमार्फत यस कार्यक्रमले नेपाली दर्शकहरूमा समकालीन सिचाङप्रति ज्ञान बढाउने र चीनको बहुआयामिक वास्तविक चित्र प्रस्तुत गर्ने लक्ष्य राखेको थियो ।
चीन र नेपालका जनताबीचको महत्वपूर्ण सांस्कृतिक सेतुका रूपमा चलचित्रले भाषा अवरोध पार गर्दै साझा अनुभव, हिमाली संस्कृति, पर्यावरणीय चिन्ता र दैनिकीमार्फत भावनात्मक सम्बन्ध स्थापना गर्न सक्ने सिचाङ प्रतिनिधि मण्डले विश्वास लिएको छ । प्रर्दशित चलचित्रहरुको सामूहिक प्रस्तुति केवल सिचाङ आधारित चिनियाँ दृश्य कथनको प्रदर्शन मात्र नभई सभ्यताबीचको आपसी सिकाइको सशक्त उदाहरण पनि भएको प्रतिनिधि मण्डल प्रमुख चान स्वानले बताउनुभयो । प्रर्दशनीमा देखाइएका चलचित्र र वृतचित्रहरुलाई नेपाली र विभिन्न देशका चलचित्रकर्मीहरु र दर्शकहरुले मन पराएका थिए ।
