काठमाडौँ, असार ८ गते । भारतले सन् २०२६ जुन २२-२३ मा ब्रिक्स राष्ट्रिय सुरक्षा सल्लाहकारको बैठकको आयोजना गर्ने भएको छ । बैठकको अध्यक्षता राष्ट्रिय सुरक्षा सल्लाहकार अजित डोभालले गर्ने विदेश मन्त्रालय (एमइए)ले शनिबार जनाएको छ ।
बैठकमा राष्ट्रिय सुरक्षा सल्लाहकार-ब्रिक्स सदस्य राष्ट्रका प्रतिनिधिमण्डलका प्रमुखले वर्तमान विश्वले सामना गर्ने परम्परागत सुरक्षा चुनौतिका विषयमा विचार आदान-प्रदान गर्ने जनाइएको छ । उनीहरूले राष्ट्रिय सुरक्षा चुनौतीको द्रुतरूपमा विकसित प्रकृतिका साथै उदाउँदो सुरक्षा खतरामा नयाँ प्रविधिको भूमिका बारेमा पनि छलफल गर्ने उल्लेख गरिएको छ ।
राष्ट्रिय सुरक्षा सल्लाहकार तथा प्रतिनिधिमण्डलका प्रमुखले आतङ्कवादको प्रतिरोध र सूचना तथा सञ्चार प्रविधिको प्रयोगमा सुरक्षा सम्बन्धी हालै सम्पन्न ब्रिक्स संयुक्त कार्य समूहको परिणामको पनि समीक्षा गर्ने जनाइएको छ । भारतले यस अघि सन् २०१२, २०१६ र २०२१ मा ब्रिक्सको अध्यक्षता गरेको थियो भने सन् २०२६ मा चौथो पटक ब्रिक्सको अध्यक्षता गरेको गर्ने जनाइएको छ ।
भारतको ब्रिक्स अध्यक्षता उद्धारता नवीनता, सहयोग र दिगोपनका लागि निर्माण विषय वस्तुद्वारा निर्देशित रहेको जनाइएको छ, भने यसले सन् २०२५ को रियो शिखर सम्मेलनमा प्रधानमन्त्री मोदीले व्यक्त गरेको जन-केन्द्रित र मानवतालगायतका दृष्टिकोणलाई प्रतिबिम्बित गर्ने जनाइएको छ ।
ब्रिक्सले विश्वका एघार प्रमुख उदीयमान बजार र विकासोन्मुख देशलाई प्रतिनिधित्व गर्ने जनाइएको छ । जसमा ब्राजिल, चीन, इजिप्ट, इथियोपिया, भारत, इन्डोनेसिया, इरान, रूस साउदी अरब, दक्षिण अफ्रिका, संयुक्त अरब इमिरेट्सलगायतका राष्ट्र समावेश छन् । यसले विश्वव्यापी तथा क्षेत्रीय महत्त्वका समकालीन मुद्दा र विश्वव्यापी राजनीतिक र आर्थिक सवालमा परामर्श र सहयोगका लागि उपयोगी मञ्चको रूपमा काम गर्ने जनाइएको छ ।
ब्रिक्स २०२६ का लागि आधिकारिक वेबसाइटमा ब्रिक्स एजेन्डा आपसी चासोका आर्थिक सवाल तथा प्रारम्भिक विषयमा उल्लेखनीय रूपमा विस्तार गरिएको छ । जसमा तीन मुख्य स्तम्भमा राजनीति, सुरक्षा, अर्थव्यवस्था, सांस्कृतिक र जनता-जनता आदानप्रदानको वरिपरि संरचित रहेको जनाइएको छ ।
“ब्रिक्स सहयोगले आतङ्कवाद विरुद्धको लडाइँ, जलवायु परिवर्तन, खाद्य र ऊर्जा सुरक्षा, अन्तर्राष्ट्रिय आर्थिक र वित्तीय अवस्था, दूरसञ्चार, कृषि, श्रम र रोजगार, अन्तर्राष्ट्रिय वित्तीय संरचना, व्यापार र विश्व व्यापार सङ्गठनलगायतका विषयमा सक्रिय रहेको वेबसाइटमा जनाइएको छ । रासस/एएनआइ
