एजेन्सी । डैनी डेंजोंग्पाको अहिलेसम्मको बलिउडको सफर एकदमै शानदार रह्यो । कलिउडमा शुरुआत गरेका डैनी बलिउडमा गएर चम्किए । उनलाई पछिल्लोपटक अमिताभ बच्चनसँग फिल्म ‘ऊँचाई’ मा देखिएको थियो ।
आज हामी डैनी र सलमान खानसँग जोडिएको एउटा साँचो घटनाको बारेमा बताउन गइरहेका छौं । सलमान जब फिल्म उद्योगमा शुरुआती दिनमा थिए त्यतिबेला डैनीले भने सैयौं फिल्ममा अभिनय गरिसकेका थिए । स्वभाविक रुपले डैनी सलमानभन्दा अग्रज थिए ।
सलमान–डैनीले सन् १९९१ मा आएको फिल्म ‘सनम बेवफा’ मा सँगै काम गरिरहेका थिए । जब यस फिल्मको शुटिंग चलिरहेको थियो डैनी सेटमा समयमै पुगिसकेका थिए । सेटमा उनी सलमान खानलाई पर्खेर बसिरहेका थिए ।
जब सलमान सेटमा पुगे तब डैनीले सबैका अगाडि सलमानलाई गाली गरे । त्यतिबेला सलमान जुनियर कलाकार थिए र उनले लज्जा अनुभूति गर्दै आफ्नो सुटिंगका लागि तयार भएका थिए ।
