नेभिगेसन मेनु

नेप्सेका सिइओमा चुडामणि चापागाईं, अर्थले दियो नियुक्ति पत्र
सम्पादक:南亚网络电视
समय:2025-04-02 13:56

nepse ceo

एस् ए टी भी २० चैत्र, काठमाडौँः सरकारले नेपाल स्टक एक्सचेन्ज (नेप्से) को प्रमुख कार्यकारी अधिकृत (सिइओ) मा चुडामणि चापागाईं नियुक्त गरेको छ।

मन्त्रिपरिषदको सोमबार साँझ बसेको बैठकले चापागाईंलाई नियुक्त गरेको हो।

उनलाई राजस्व सचिव दिनेश घिमिरेले मंगलबार नियुक्ति पत्र दिएका छन्।  बुधबार अर्थ मन्त्रालयमा पद तथा शपथको कार्यक्रम राखिएको छ।

झापाका चापागाईंले यसअघि सानिमा रिलायन्स इन्स्योरेन्सको नायव महाप्रबन्धक भएर काम गरेका थिए।

सरकारले नेप्सेका प्रमुख कार्यकारी अधिकृतको पदमा खुला प्रतिस्पर्धाद्वारा पदपूर्ति गर्न तीन सदस्यीय समिति गठन गरेको थियो।

उक्त पदको संक्षिप्त सूचीमा छानिएका ५ जनालाई गत चैत ६ गते अन्तर्वार्ता र प्रस्तुतिका लागि बोलाइएको थियो।0

सिइओका लागि आवेदन दिएका १० जनामध्ये संक्षिप्त सूचीमा पाँच जना परेका हुन्।

संक्षिप्त सूचीमा झापाका चापागाईं सहित सर्लाहीका नारद कुमार लुइँटेल, इलामका पूर्णबहादुर आचार्य, नुवाकोटका बद्रिप्रसाद प्याकुरेल र पाल्पाका हेमन्त बस्याल परेका थिए।

अघिल्लो साताको मन्त्रिपरिषद बैठकले सर्लाहीका नारद कुमार लुइँटेललाई नियुक्ति गर्ने निर्णय गरेको थियो। स्रोतका अनुसार उनलाई नियुक्ति पत्र नदिँदै उनको नाममा विवाद भएपछि नियुक्ति निर्णय सच्याइएको हो।

#

डिस्क्लेमर: यो लेख दक्षिण एशिया सञ्जाल टीवी सिको अन्तर्राष्ट्रीय अनलाइन्टियाको स्वत-मिडियाबाट आउँछ, सिको अन्तर्राष्ट्

पसंदीदा प्राप्त गर्नुहोस्0
उप्पर