कतारका अमिर (राजा) शेख तामिन बिन हमाद अल थानी नेपालको दुई दिने राजकीय भ्रमणमा काठमाडौंमा छन् । हिजो चार वटा विमानमा आएका ३८ जना कतारी अधिकारीहरुमध्ये आज एउटा विमानमा १५ जना दक्षिण कोरियातर्फ प्रस्थान गरेका छन् ।
कल साइन क्युक्युइ ५७७ विमानमा ती अधिकारीहरु बिहान ७ बजे काठमाडौंबाट सिओलतर्फ प्रस्थान गरेका हुन् । अमिर राजकीय भ्रमण सम्पन्न गरेर आजै दिउँसो २ बजे स्वदेश फर्कने कार्यक्रम छ ।
नेपालको भ्रमणका लागि अमिरसँगै हिजो ३८ जना प्रतिनिधि र १९ जना चालक दलका सदस्य कल साइन क्युएएफ ६ विमानमा ढाकाबाट काठमाडौं आएका थिए ।
